Un caloroso domingo do verán de 2010, o comisario Jaritos asiste á voda da súa filla Katerina, esta vez pola Igrexa e con fanfarria musical. Ao día seguinte, pouco despois de chegar a Xefatura, infórmanlle do asasinato de Nikitas Zisimópulos, antigo director de banco, degolado cunha arma cortante. O macabro homicidio coincide cunha campaña que alguén, amparándose no anonimato, emprendeu contra os bancos, animando aos cidadáns a que boicoteen ás entidades financeiras e non paguen as súas débedas e hipotecas. O certo é que Grecia, ao bordo da bancarrota, pasa por un momento moi crítico, e a poboación non dubida en saír á rúa para queixarse dos recortes en soldos e pensións. Aínda por riba, Stazakos, o xefe da Brigada Antiterrorista, sostén que o asasinato de Zisimópulos podería ser obra de terroristas. Jaritos, en desacordo con esa hipótese, terá que apañárselas cos seus dous axudantes para enfrontarse a un asasino cuxos crimes apenas acaban de empezar.